من الراجل اللى ورا عمر سليمان .. العالم يسأل

بوسطة - وكالات

عبر المصريون عن مشاعرهم

لو لم اكن مصريا لوددت ان اكون الراجل اللى ورا عمر سليمان

وراء كل رجل عظيم الراجل اللي ورا عمر سليمان

اكتر حاجه مزعلانى انا مبقاش فى عمر سليمان ….هنجيب الراجل الى واقف ورا عمر سليمان منيييين؟

الشعب يريد اسقاط الرجل اللى ورا عمر سليمان…..

سوف يظل التاريخ يذكر بكل الفخر هذا الموقف بوقوف الراجل الى واقف ورا عمر سليمان

وتوالت المفاجآت

في مفاجائه من العيار الثقيل : الراجل اللي ورا عمر سليمان يعترف للنائب العام بأنه هو فعلا الراجل اللي ورا عمر سليمان

عاجل : الراجل اللي ورا عمر سليمان كان أصلا معتصم في التحرير ورا المعتصمين !!

بعد رائعته “لن اعيش في جلباب ابي” .. نور الشريف : “انتظروني في رمضان القادم مع “لن اقف ورا عمر سليمان”

وسارعت القنوات الاخبارية بتوضيح الحقيقة

الجزيره : ملايين المتظاهرون فى ميدان التحرير يريدون ان يعرفوا من هو الراجل اللى ورا عمر سليمان

العربيه : الاف المتظاهرين فى ميدان التحرير يريدون ان يعرفوا من هو الراجل اللى ورا عمر سليمان

المحور: الرجل اللى ورا عمر سليمان من الموساد الاسرائيلى

التلفزيون المصرى : لا يوجد احد ورا عمر سليمان

رويترز : أوباما يعرب عن قلقه من انه لن يتم انتقال سلمي للسلطة طول ما أم الراجل ده واقف ورا عمر سليمان

الجزيره : بعد صمت طويل أصدرت المخابرات العامه المصريه أخيراً بيانها الأول على لسان أدهم صبرى : الرجل اللى ورا عمر سليمان هو أحد رجالنا الأبطال

و نرجو عدم السخريه منه حيث أن وقوفه كان لغرض وطنى و كان ماسك دبوس فى ايده عشان لو عمر سليمان رجع فى كلامه يشكه فى … فى ظهره

فى حين أعلنت الموساد أن المخابرات المصريه ما زالت تتبع أساليبها الشيط

سي ان ان : ترشيح الرجل اللى ورا عمر سليمان لجائزه نوبل للسلام .. حيث أنه أخرج العالم العربى من حالة الأكتئاب التى أصابتهم إزاء الأحداث الأخيره و

حولها إلى حاله ضحك هيستيرى .. و أدمن صفحه الراجل اللى ورا عمر سليمان يصرح أنه ليس بطلاً و لو منى الشاذلى أستضافته مش هيسيبها و

يمشى

وامام هذا الكم من الاشاعات بادرت الحكومه المصرية إلى التدخل

الحكومة تعلن عن خط ساخن للإبلاغ عن اي معلومة تفيد في معرفة مين الراجل اللي ورا عمر سلبمان

وزير الصحه : أنا قلق من أنتشار مرض فوبيا “الرجل اللى ورا عمر سليمان” حيث أصبح الشعب خائفاً و ينظر خلفه بأستمرار فى ظروف تمر بها البلاد تفرض

علينا النظر إلى الأمام

مصادر في امن الدولة : الراجل اللي ورا عمر سليمان قفش.. و حلف ما هيقف ورا حد تاني

أما الأمهات المصريات فوجدت فرصة ذهبية لتربية أبنائهم

عارف لو مشربتش اللبن … هاجبالك الراجل اللى بيقف ورا عمر سليمان

وتوالت التصريحات من جميع الدول

عاجل : المتظاهرون في إيران و الجزائر يطالبون بقدوم الراجل اللي واقف ورا عمر سليمان من أجل ضمان رحيل النظام …

القذافى يصرح : لن يظهر خلفى رجل واحد أبداً .. حيث أن ليبيا مختلفه عن تونس و مصر لأنها تتبع النظام الجماهيرى

واخيرا تكلم الراجل اللي ورا عمر سليمان

الرجل اللى ورا عمر سليمان يبحث عن عمل بعد رحيل عمر سليمان و يعرض مؤهلاته :

إمكانيه الوقوف المتواصل 24 ساعه يومياً

إطلاق نظرات ناريه على أعداء الشخص المراد حمايته

إمكانيه توجيه بؤبؤ العين فى جميع الأتجاهات لكشف أى محاولات أغتيال