المصور التلفزيوني خليل سلوم في لقاء حصري ل بوسطة

  خاص بوسطة في متابعتها اليومية لتصوير المسلسل السوري " على قيد الحياة " التقت كاميرا بوسطة مع مدير التصوير في العمل خليل سلوم ..   ·     يعطيك العافة استاذ خليل .. ·     أهلا وسهلا فيكن ..   ·     استاذ خليل فيك تخبّر جمهور موقع بوسطة عنك ؟ ·     خليل سلوم .. مصور .. صرلي شي سبع تمن سنين بالمهنة ..   ·     شو هيّ الأعمال اللي مشتغل فيها ؟ ·     السنة الماضية عملت الحوت .. سيرة الحب من سنتين .. الشمس تشرق من جديد .. الخيط الأبيض ..   ·     شو بتحكيلنا عن تجربتك إلك مع الأستاذ رامي حنا ؟ ·     هيْ أول تجربة إلي معو وهيّ تجربة حلوة .. ومتنّيها من زمان .. الاستاذ رامي من الشباب الظراف جداً .. تجربة جديدة وانشالله نكون على قد التوقعات وبتمنالها النجاح ..   ·     كيف بتشوف تعامل الاستاذ رامي معك كمصور ؟ ·     طبعاً في شوية خصوصية بشغلو .. نتيجة الرؤية الخاصة اللي حاططها بهادا العمل .. في شوية خصوصية عم يتم التفيذ فيها .. بس قدرنا نتعامل مع هيْ الخصوصية وطلباته وأي شي .. طريقة إخراج جديدة بس قدرنا نتعامل معها ..   ·     الاستاذ رامي يعتبر متطلب ؟! ·     لا لا أبداً .. متل ما قلتلك أسلوبه جديد .. بس الأسلوب اللي بعيد عن التطلب والتعقيد وعن الاستعراض .. أسلوب سلس جداً .. هلق هادي خصوصية الاستاذ رامي ..   ·     شو بيفرق التصوير داخل المنزل / البيت عن الشي اللي بيتصور بالشارع وبالطبيعة .. أصعب ولاّ أسهل؟ ·     هلق ع الحالتين كل شي إلو صعوباتو .. بالشارع في عندك الضجيج والعناصر التانية .. كمان البيت فيه صعوبة، الديكور، والحركة بتكون على أصعب .. أغلب البيوت ما فيها مساحات حسب طبيعة النص والعمل ..، يعني في هون صعوبة وفي هون صعوبة .. وفي هون سهولة وفي هون صعوبة ..   ·     كمصور شو بتحب بالشغل أكتر الداخلي أم الخارجي ؟ ·     بالشتوية أكيد الداخلي .. وبالصيف برّا / الخارجي بيضلو أرحم وبيكون معنا حرية بحركة الكاميرا .. بيضل الشارع أجمل، طبيعتو، الناس، العمق .. ومنو بتشوف الواقع أكتر .. الحدائق .. السيارات .. دائماً بيكون للصورة إضافة عناصر وبتصير الصورة أغنى ..   ·     شو بتخبّر جمهور موقع بوسطة ؟! ·     الصراحة موقع جديد .. بس انشالله منشوفو اليوم .. ونشوف شو عاملين ومنقول يعطيكن العافية .. إذا شي لخدمة الفن والبلد فيعطيكن ألف عافة .. وانشالله موفقين دائماً وشكراً إلكن ..