رامي حنا من موقع التصوير

خاص بوسطة في متابعتها اليومية لتصوير مسلسل " على قيد الحياة " التقطت كاميرا بوسطة هذه اللحظات مع مخرج العمل الأستاذ رامي حنا ـ أصور حالياً مسلسل " على قيد الحياة " للكاتبة جيهان الجندي وإنتاج أوربت .. ـ بلحظة غير استثنائية قررت الكاتبة أن تلتقط حياة يومية بسيطة للناس .. ـ رفضت حوالي 12 مسلسل بسبب النصوص .. ـ اليوم رح افتح موقع بوسطة ..   ·     استاذ رامي مرحبا .. ·     أهلين ..   ·     كيفك .. ·     ماشي الحال ..   ·     خبرنا شو عم تساوي ؟! شايفين نصوص كتيرة هون .. ·     والله عم نصوّر الحمد لله ..   ·     شو عم تصور ؟! ·     مسلسل اسمه " على قيد الحياة " للكاتبة جيهان الجندي، إنتاج اوربت، بإشراف هيثم حقي .. هادا اللي عم ساويه هلق ..   ·     بتحكيلنا فكرة العمل .. ·     ( ممازحاً ) والله انا ما عندي فكرة .. / العمل بيحكي عن مجموعة قصص أو مجموعة حيوات عن ناس عم تعيش وبلحظة غير استثنائية قررت الكاتبة تلتقط هيْ اللحظات من هيْ الحياة .. هوي بيحكي عن حياة يومية بسيطة .. طريقة تركيب العمل أو البنية تبع هالد الشغل حقيقة هي بنية معقدة ومتعبة كتير وبنفس الوقت القصة سلسلة وبسيطة بس بنية السرد بتعتمد على مشاهد كتير قصيرة .. بيطلع العمل تقريباً شي 1700 مشهد وأحياناً كتير صعب تنفيذها ضمن شرط إنتاج الدراما السورية المعتاد   ·     بعرف إنو حضرتك بتختار بدقة .. شو اللي خلاّك تختار هاد النص .. ·     أنا السنة يمكن معتذر عن شي 12 مسلسل إخراج بسبب النص .. وبالتالي كان اختياري لهادا النص إلى حدٍ ما حسيت إنو كان فيه تقاطعات بين اللي كاتبتو الست جيهان وبين أنا كيف بفكّر .. بعتقد هاد اللي لفتلي نظري وخلاّني وأنا عم إقرا خلاني إطرح أسئلة .. بس بلّش حس هيك  يمكن وقتها بقرر إنو بدي ساوي هادا الشغل   ·     كيف عم تشوف حالك بعد نرجس ؟ ·     بعد نرجس ؟! .. والله ما بعرف أنا عم جرّب .. في عنترة وفي نرجس وهلق ما زلت عم جرّب .. ما بعرف الخطوط النهائية تبع كيف بدّي كمّل كمخرج .. أنا ماني لسه شايفها بوضوح بس عم اتعلم ..   ·     انشالله موفق .. ·     الله يخليك يا رب شكراً كتير إلك .. بتعرفوا إنو موقع بوسطة ولا مرة فايت عليه   ·     مع إنو نشرنا اللقاء اللي عملناه معك من فترة .. ·     بلاّ عن جد .. طيب اليوم رح افتح بوسطة ..  لمتابعة اللقاء مصور يرجى الضغط  على الرابط التالي    http://www.bostah.com/?option=content&view=article&id=586&catid=59#up