خالد الصاوى يكتب شعرا جديدا للتحذير من الثورة المضادة

بوسطة - مواقع وصحف عربية

كتب الفنان خالد الصاوى على صفحته الرسمية على موقع الفيس بوك، فور وفاة العشرات من مشجعى النادى الأهلى فى إستاد بورسعيد أمس الأربعاء، حيث قام بتأليف شعرا يقول فيه "يا ترى جالك كلامى ولا حتسوق فى المناهدة؟ من سنة عمال أهاتى: اصحى للثورة المضادة! لما تنكش وكرها يبقى خلص ع الأفاعى، مش تروح تلعب معاها يا ذكى وتعمل رفاعى! الحنش عمل عبيط واستخبى جوة خنه، وأنت شغال فى المحبة هو كان بيسم سنه! يا ترى جالك كلامى ولا حتسوق فى المناهدة؟ من سنة عمال أهاتى: اصحى للثورة المضادة! إللى شرحنا سبقنا ع المحاكم واشتكى! وادى آخرة اللماضة يا أمير الفزلكة! إنسى مين فينا الملوم، إنسى مين فينا اللى لايم، يالله بينا ع الأفاعى.. وحده وجه الحق دايم، وحده وجه الحق دايم".

كما أعقبها بعد ذلك بكتابة تعليق آخر يقول فيه "أجندة سودا صغيرة، وقلم رصاص غامق تخين، اكتب أسامى الظالمين، واختم: كفاية مسخرة! ارسم وشوشهم، حدد فصيلة دمهم، سجل جميع عناوين أبوهم، علم على أبواب أمهم! أقبض عليهم جرهم، شمع حياتهم كلهم، سوى الحساب اللى اتفتح من قبلهم، اعمل مقاصة فى عمرهم! ودوس ديليت على وشهم، ودوس إيريز على ىسمهم، أجندة سودا صغيرة ببريزة إلا، وقلم رصاص غامق تخين خلليه عليا! واكتب بقى ما تعلينيش، اكتب بقى.. خليك تعيش".